Эдийн засаг

Монгол Улсын засгийн газар өнөөдөр 20 гаруй асуудлаар хуралдаж шийдвэр гаргалаа. Нэмэгдсэн өртгийн албан татварын 2019 оны буцаан олголтыг иргэдэд хүргэх асуудлыг мөн ярилцсан байна. Энэ сарын 10 буюу ирэх Даваа гарагаас иргэдийн дансанд шилжүүлэхээр төлөвлөжээ. 

НӨАТ-ийн буцаан олголтыг 912 мянган иргэн авна. Өнгөрсөн онд 797 мянган иргэн авч байсан бол энэ онд 115 мянган иргэнээр нэмэгдсэнийг Сангийн сайд онцоллоо. Мөн татварын багц хууль шинчлэгдсэнтэй холбогдуулан цаашид НӨАТ-ын буцаан олголтыг улирал бүр олгоод явах юм. Мөн энэ жил 996 иргэн 2.1 тэр бум төгрөгийн зөрчилтэй байгаа. Энэ зөрчлийг холбогдох газрууд нь шалгаж байгааг хэллээ. 

Цаашид иргэд төрийн буцаан олголтоо буцаан авах биш, хуримтлагдсан мөнгөөрөө төрийн үйлчилгээний төлбөрөө төлөөд явах боломжийг засгийн газраас олгоно гэлээ. Тухайлбал, иргэд НӨАТ-ын буцаан олголтоороо автомашины татвар бусад төрийн үйлчилгээнд төлдөг төлбөрөө төлөх боломжтой болох нь. Ингээд НӨАТ-ын буцаан олголт ирэх Даваа гараг буюу 02 сарын 10-аас иргэдийн дансанд орж эхлэх нь ээ.