Эрүүл мэнд

Улсын гуравдугаар төв эмнэлэгт улсын төсвийн хөрөнгө оруулалтаар тархи нугас багана нуруу, тархи зүрх судасны тогтолцооны оношилгоо эмчилгээний зориулттай орчин үеийн өндөр хүчин чадалтай Соронзон резонанст  томографийн аппаратыг суурилуулан өнөөдөр үйл ажиллагааг нь эхлүүллээ.

3-р эмнэлгийн хувьд саяхныг хүртэл Соронзон Резонанст Томографийн аппаратгүйн улмаас тусламж  үйлчилгээний чирэгдэл нилээдгүй байсан бол орчин үеийн өндөр хүчин чадалтай энэхүү аппарат суурилагдснаар тусламж үйлчилгээний чирэгдэл багасах тархины нугасны хавдар нуруу нугаламын эмгэг өөрчлөлтүүд тархины харвалт зүрхний төрөл бүрийн эмгэгийн шалтгаанаар ирж байгаа хүмүүст оношилгоо эмчилгээний чиглэлээр шаардлагатай тусламжийг түргэн шуурхай үзүүлэх боломж бүрдэж байна. Энэхүү томографийн аппарат нь соронзон орон ашиглан хүний биеийн эд эрхтний дотоод бүтцийг 3 хэмжээст орон зайд өндөр ялгаралтайгаар дүрслэн үзүүлдэг бөгөөд хүний биед огт хоргүй, зовиур өвдөлтгүй туяаны ачаалалгүйгээр эдийн өөрчлөлтийг маш нарийн оношилдог онцлогтой шинэжилгээний арга юм. Улсын хэмжээнд цөөн тооны эмнэлгүүдэд суурилагдсан байдаг байна.

Зүрх мэдрэлийн өндөр түвшний нарийн оношилгоог хийх хүчин чадалтай орчин үеийн МRI буюу соронзон резонанст томографийн энэхүү аппаратыг ЗГ-аас улсын төсвийн 2.2 тэрбум орчим төгрөгийн хөрөнгөөр оруулалтаар суурилуулж өнөөдөр  ийнхүү ашиглалтанд орууллаа.