Эрүүл мэнд

Манай улсын хэмжээнд 30 гаруй мянган донор цусаа тогтмол өгч цусны нөөцийг бүрдүүлж байна. Өнгөрсөн онд нийслэлийн хэмжээнд цусны нөөц хангалттай буюу 1000 хүнд 18 цус өгөлт байсныг албаныхан онцоллоо. Хэдийгээр нийслэл хотод нөөц олон улсын тогтоосон стандартаас давсан үзүүлэлттэй байсан ч улсын хэмжээнд буурчээ. Энэ онд улсын хэмжээнд цусны нөөц бүрдүүлэлтийг нэмэгдүүлэхээр ажиллана гэж албаныхан мэдэгдлээ. 

Өнөөдөр доноруудыг хүндэтэх, тэдний үйл хэргийг олон нийтэд сурталчлан таниулах зорилгоор Цусны донорын Үндэсний өдрийг тэмдэглэн өнгөрүүллээ. Энэ өдрийг тохиолдуулан зарим донорт цол тэмдгийг нь гардуулсан байна. Хүнд амьдрал бэлэглэхийн ач тусыг тэд ингэж ярьж байна.

Манай улсад 30 гаруй мянган цусны донор байдагаас нийслэл хотод 24 орчим мянга байдаг байна. Үлдсэн нь орон нутагт байдагийг мэргэжилтнүүд хэлж байна. Нийслэл хотод цусны нөөц хангалттай байдаг бол орон нутагт нэмэгдүүлэх шаардлага байгааг Цус сэлбэлт судлалын үндэсний төвийн эмч мэргэжилтнүүд хэлж байна.

Олон улсын стандартад 1000 хүнд 15 цус өгч байхыг хэвийн гэж үздэг байна. Харин манай улсын хувьд энэ тоо 11 байгаа нь нэмэгдүүлэх шаардлага бий гэдгийг харуулж байгааг албаныхан хэлж байна. 2020 онд улсын хэмжээнд цусны нөөцийг нэмэгдүүлэхэд анхааран ажиллана. Цусны нөөцийг нэмэгдүүлэх бүрэн боломжтойг албаныхан онцоллоо.