Эрүүл мэнд

ДЭМБ өнөөдрийг хүртэл COVID-19-ийг халдварт өвчин гэж нэрлэж байсан бол өнөөдрөөс эхлэн албан ёсоор цар тахал болгон дэлхий нийтээр аюулын харанга дэлдлээ. Тэгвэл пандеми буюу цар тахал гэж юу вэ? Энэ нь тив, улс орон дамнасан өргөн хүрээний нутаг дэвсгэрийг хамрах халдварт өвчнийг нэрлэдэг олон улсын нэршил юм. Пандеми буюу цар тахал гэх үг нь грек хэлнээс пан-буюу бүгд, бүх гэсэн утга, мөн demos-буюу хүн гэсэн үгсийн нийлбэр юм. 

Тэгвэл ДЭМБ-аас COVID-19-ийг пандеми буюу цар тахал гэж албан ёсоор хүлээн зөвшөөрөхөөс өмнө шинэ коронавирусаас гаралтай COVID-19-ийг халдварт өвчин буюу эпидеми гэж нэрлэж байсан. Эпидеми нь богино хугацаанд тархаад өнгөрдөг, хамрах хүрээгээрээ аль нэг улс орон эсвэл муж тойргийн хэмжээнд, харьцангуй бага газар нутгийг хамран дэгддэг халдварт өвчнийг хэлдэг байна.  Эпидеми буюу халдварт өвчний ангилалд бидний мэддэг тарваган тахал, мөн менингит буюу улирлын чанартай томуу, томуу төст өвчнийг хамааруулдаг байна. Эдгээр өвчин зөвхөн тухайлсан газар орныг хамран дэгдээд, богино хугацаанд эмчлэгддэг, халдварын тохиолдлууд нь буурдаг өвчин юм. Тиймээс пандеми биш эпидемийн тохиолдолд багтдаг байна. 

Харин цар тахлын хувьд энэ нь танд дээр хэлсэнчлэн маш өргөн хүрээнд тархдаг, ихэнхдээ үхлийн аюул дагуулдаг, тархалт, хамрах хүрээ өндөр, богино хугацаанд халдварлан их хэмжээний газар оронд дэгддэг өвчин буюу цар тахал юм.