Шастины нэрэмжит гуравдугаар төв эмнэлэг бөөр, шээсний замын өвчлөлийг мэс ажилбараар анагаах боломжтой боллоо. Өмнө нь энэ эмчилгээг улсын хэмжээнд ганцхан нэгдүгээр эмнэлэгт хийдэг байсан байна. Тэгвэл өнгөрсөн нэг жилийн хугацаанд 3-р эмнэлэг мэс ажилбарыг хийх эмч нарыг бэлтгэж, тоног төхөөрөмжөөр бүрэн хангаж дуусчээ.

Коронавируст халдвар эрчимтэй тархаж байгаа энэ цаг үед вакцинжуулалтыг эрчимжүүлсэн. Мөн ирэх сард Оросын Холбооны Улсад үйлдвэрлэсэн Спутник вакциныг оруулж ирэн тарилгыг яаралтай горимоор эхлүүлэхээр төлөвлөжээ. Вакцинаас гадна халдвартай иргэдийн хурдан хугацаанд эмчлэхэд анхаарч байна. Өнөөдрийн байдлаар нэг хүнд ойролцоогоор дөрөв орчим сая төгрөг зарцуулж байгааг мэдээллээ.

Нийслэлд өчигдөр дархлаажуулалтын 42 цэгт 101 багийн 708 эмч, ажилтан ажиллаж 9049 хүнийг коронавирусийн эсрэг дархлаажуулалтад хамруулжээ.