Улсын Их хурал

АИХ 75 хоног хэлэлцэн 28 жилийн өмнөх энэ өдрийн 11 цаг 35 минутанд Шинэ Үндсэн хуулийг баталсан түүхтэй. Өнөөдөр төрийн ордонд “Монгол Улсын Үндсэн хууль ба эрх зүйн шинэтгэл” сэдэвт эрдэм шинжилгээний хурал боллоо. Хурлыг нээж УИХ-ын дарга Занданшатар хэлсэн үгэндээ энэ удаагийн Улсын Их Хурал иргэд, олон нийт, эрдэмтэн судлаачдынхаа санал, дүгнэлтэд тулгуурлан улс төрийн нам, иргэний нийгмийнхэнтэй хэлэлцэж, ард түмэндээ танилцуулж, санал бодлыг нь авч, бүхий л түвшний ойлголцол зөвшилцлийг ханган ажилласны үндсэн дээр Үндсэн хуульдаа нэмэлт, өөрчлөлт оруулаад байна” Энэхүү нэмэлт, өөрчлөлтөөр Төр цэгцрэн, Засаглал тогтворжиж, Шударга ёс тогтох өөрчлөлт, эрх зүйн хувьсгалын эхлэл тавигдах учиртайг онцоллоо. 

Одоогоос 28 жилийн өмнө Ардчилсан ёс, зах зээлийн харилцаанд шилжиж, шинэ нийгэм байгуулах эрх зүйн үндсийг тогтоосон. Өөрөөр хэлбэл түүхэн энэ өдөр шинэ үндсэн хуулиа баталсан юм. Үүнээс хойш нийгэм, эдийн засгийн өөрчлөлтийг дагаад Үндсэн хуулинд тодорхой өөрчлөлт оруулсан. Энэхүү шинэчлэлийг хөндөж эрдэм шинжилгээний бага хурал зохион байгууллаа. Хуралд УИХ-ын дарга, гишүүд, үндсэн хуулийг батлалцаж байсан Ардын их хурлын депутатууд оролцсон юм.

Өмнө нь эрдэм шинжилгээний бага хурлууд үндсэн хуулинд зайлшгүй хийгдэх өөрчлөлт сэдвийн хүрээнд асуудал дэвшүүлдэг байсан. Харин энэ удаад өнгөрсөн онд баталсан шинэ үндсэн хуулийн ололт амжилт, дагаж мөрдөх тухай зэрэг сэдвийн хүрээнд явагдлаа.

Мөн үндсэн хуулийн өдрийг тохиолдуулан УИХ-ын дарга, УИХ-ын гишүүд Сүхбаатарын болон Их эзэн Чингис хааны хөшөөнд цэцэг өргөн, хүндэтгэл үзүүлсэн юм.