Улсын Их хурал

Улсын их хурлын Хууль зүйн байнгын хороо өнгөрсөн намрын чуулганы ажлаа тайлагналаа. Энэ удаад 70 гаруй хуулийн төсөл хэлэлцүүлэн шийдвэрлэжээ. Үүн дотор малын хулгайчид оногдуулах шийтгэлийг чангатгасан, хөөн хэлэлцэх хугацаагаар хэрэгсэхгүй болсон авлига албан тушаалын хэргийг дахин шалгахаар болсон гээд нийгмийн өмнө хүлээгдэж байсан хуулийн төслүүд батлагдсаныг онцолж байна.

УИХ-ын хууль зүйн байнгын хороог УИХ-ын гишүүн Х.Нямбаатар ахалдаг. Тэрээр намрын чуулганы хугацаанд өөрийн ахалдаг байнгын хороо хэрхэн ажилласныг тайлагналаа. УИХ-ын хууль зүйн байнгын хороо 70 гаруй хуулийн төслийг хэлэлцэн УИХ-ын нэгдсэн чуулганд оруулж, үүнээс 42 хуулийг батлуулжээ. Мөн УИХ-ын 7 тогтоолыг батлуулжээ.

Мөн намрын ээлжит чуулганы үеэр хар тамхи, мансууруулах бодис, сэтгэцэд нөлөөт бодисын талаарх мэдээллийг Хууль зүйн байнгын хорооны гишүүд сонссон. Цаашид энэ чиглэлээр иж бүрэн тэмцэл явуулах зүй ёсны шаардлага байгаа гэсэн дүгнэлтийг гаргажээ.  Мөн тус байнгын хороо ээлжит чуулганы завсарлгааны хугацаанд Гэр бүлийн тухай хуулийн шинэчилсэн найруулгын төсөл болон Архив албан хэрэг хөтлөлтийн тухай хуулийн шинэчилсэн найруулгын төслийг хэлэлцүүлэх бэлтгэлийг ханган ажиллахаар төлөвлөөд байнаа.