Улсын Их хурал

Үндсэн хуулийн өөрчлөлтөөр нэгдсэн чуулган 75 өдөр хуралдаж, төсвийн хэлэлцүүлэг засгийн газрын өргөн барьснаас гажихгүй гээд олон онцлог энэ удаагийн чуулганд багтах юм. Мөн цар тахлын дараах эдийн засгаа сэргээх чухал үүрэг даалгавар ирж байгааг Улсын Их Хурлын дарга Занданшатар онцлон хэллээ. Банкны зээлийн хүүг бууруулахаас эхлээд саарал жагсаалтаас эдийн засгаа гаргах, шүүхийн хараат бус байдлыг хангах, засаг захиргаа нутаг дэвсгэрийн тухай хуулийг өөрчлөх гээд амжуулах ажил гишүүдийн өмнө байгааг ч санууллаа. 112 хууль тогтоомж хэлэлцэхээр төлөвлөсөн намрын чуулганы нээлтээс мэдээлэл хүргэе.

2020 УИХ-ын сонгуулийн үр дүнд байгуулагдсан Парламентын албан ёсны бүрэн эрхийн хугацаа ийнхүү намрын чуулганаар эхэлж байна. Энэ удаагийн намрын чуулганы хуралдаанаар улс эх орны өмнө тулгамдсан, хүлээгдэж байгаа, мөн асуудлыг шийдэх 100 гаруй хуулийн төсөл, нэмэлт өөрчлөлтийг намрын батална гэдгийг УИХ-ын дарга онцоллоо. Тухайлбал засаг захиргааны нэгж, түүний удирдлагын тухайн хууль, хот тосгоны эрхзүйн байдлын тухай хууль зэргийг шинэчлэн боловсруулж орон нутгийн хөгжлийг хурдасгах, бие даасан байдлыг хангана гэдгийг УИХ-ын дарга чуулганыг нээх хэлсэн үгэндээ онцолсон юм аа.

Уламжлал ёсоор төрийн тэргүүн УИХ-ын намрын чуулганы нээлтэд оролцон үг хэллээ. Тэрээр зарим зүйлд шүүмжлэлтэй хандаж, цаашид орлого, ажлын байрыг нэмэгдүүлэхэд энэ парламент болон ЗГ онцгой анхаарч ажиллахыг хэлсэн үгэндээ онцоллоо.

Зээлийг хүүг бууруулах, Ипотекийн зээлийг хүүг зургаан хувьд болгох гээд олон нийтийн хүлээлттэй  байгаа чухал шийдвэрүүд ийг ч намрын чуулганы хугацаанд их хурал хэлэлцэн шийдвэрлэнэ.

ФЭЙСБҮҮК ШУУД ҮЗЭХ