Улсын Их хурал

Уул уурхай хүнд үйлдвэрийн сайд Д.Сумъябазар Япон улсад ажлын айлчлал хийж байна. Япон Улсад Монголын уул уурхайн салбартай хамтран ажиллах хөрөнгө оруулагчидтай уулзаж, уул уурхайн салбарын өнөөгийн нөхцөл байдлыг танилцуулж байна. Монгол улсын засгийн газар Тавантолгойн 30 хүртэлх хувьд IPO хийхээр төлөвлөж байгаа. Тиймээс энэ салбарт Японы хувийн аж ахуйн нэгжүүдтэй хамтран ажиллах асуудлаар санал солилцож, төслөө танилцууллаа. 

Энэ удаагийн айлчлалын хүрээнд хоёр орны парламентын уялдаа холбоог бэхжүүлэх, туршлага судлах чиглэлд талууд ихээхэн анхаарал хандуулж байна. Учир нь  Япон улс нь түүхэндээ анх удаа 72 жилийн дараа улс орны тулгуур баримт болох үндсэн хуулиа өөрчлөхөөр болжээ. Тус улсын тухайд парламент бүрэн эрхийнхээ хугацааг дуустал ажилласан тохиолдол ганц л байдаг гэнэ. Япон улсын парламентын бүрэн эрхийн  дундаж хугацаа нь 1,5-2 жил болж 72 жил  тогтолцоогоо төгс шийдэж чадаагүй байна. Энэ хүрээнд Үндсэн хуулиа өөрчилж парламентын тогтолцоогоо төгөлдөржүүлэх үүднээс үндсэн хуулиа өөрчилж ээлжит бус сонгууль явуулахаар болсон байна. Манай улс ч мөн адил эцэг хуулийн өөрчлөлтийг Их хурлаар хэлэлцэж ард нийтийн санал асуулгаар батлахаар шийдсэн энэ цаг үед гуравдагч хөршийн туршлагаас судлах нь чухал ач холбогдолтойг УИХ дахь Монгол Японы парламентын бүлгийн дарга хэллээ.

УИХ дахь Монгол Японы парламентын бүлгийн дарга УИХ-ын гишүүн, Уул уурхай хүнд үйлдвэрийн сайд Д.Сумъяабазар  Япон улсын зөвлөхүүдийн танхимын дарга А.Санто болон Япон улсын төлөөлөгчдийн танхимийн дарга Т.Оошима нартай уулзах үеэрээ уул уурхай, эдийн засгийн чиглэлээр  хамтын ажиллагаа нэмэгдүүлэх чиглэлд илүү анхаарах хэрэгтэйг онцолж байлаа.  Үүний дараа Япон улсын нийслэл Токио хотын даргатай уулзсан юм. Уулзалтын үеэр Улаанбаатар хотын агаарын бохирдол, замын түгжрэл, хот төлөвлөлт зэрэг тулгамдах олон асуудлыг шийдвэрлэхэд цаашид олон чухал ажлыг хамтран хийх хүсэлтэй байгаагаа хэлсэн юм.

Япон улсын тухайд хэрэглээгээ багасгаж хог хаягдлыг дахин боловсруулан ашиглах чиглэлд илүү их анхаардаг нь хотын хөгжилд маш чухал нөлөө үзүүлдэг тул Монгол улс энэ чиглэлд анхаарах хэрэгтэйг Токио хотын дарга онцоллоо. УИХ дахь Монгол Японы парламентын бүлгийн айлчлалын хүрээнд уул уурхай эдийн засаг нийгмийн чиглэлд хамтран ажиллах олон асуудлыг хэлэлцэхээс гадна ирэх онд болох Токио 2020 олимпын үеэр Монголиан Хаус арга хэмжээг Япон Улсын Элчин сайдын яамтай хамтран хэрэгжүүлэх хүсэлтэй байгаагаа илэрхийлсэн юм.