Засгийн газар

Монголын улсын 28 дахь Ерөнхий сайд Ч.Сайханбилэгийг интерполоор эрэн сурвалжилж байна. Оюутолгойн далд уурхайн бүтээн байгуулалтын гэрээ болон Эрдэнэт үйлдвэрийн 49 хувийн асуудлаар хуулийн байгууллагад шалгагдаж байсан Ч.Сайханбилэгт хилийн хорио тавьсан. Тэрээр эрүүл мэндийн шалтгааны улмаас гадаад эмчлүүлэх шаардлагатай гэж үзэн хилийн хоригоо цуцлуулсан. Гэвч шүүхээс заасан Монгол улсад ирэх хугацааг 2-3 удаа хойшлуулсан учраас Интерполоос эрэн сурвалжилж эхэлсэн байна. 

АТГ-аас Ерөнхий сайд асан Ч.Сайханбилэгийг "Эрдэнэт" үйлдвэрийн 49 хувь, Оюу толгойн гүний уурхайн санхүүжилтийн гэрээтэй холбоотой асуудлаар шалгаж байгаа. Энэ хэрэгт холбогдуулан түүнд хилийн хориг тавиад  байсан юм. Энэ талаар АТГ-аас тодруулахад дээрх хэрэгт түүнийг яллагдагчаар татсан тул шүүхээс хилийн хориг тавих, таслан сэргийлэх шийдвэр гаргаад байсан юм. Харин тэрээр эрүүл мэндийн шалтгааны улмаас шүүхийн байгууллагад хүсэлт гаргаж, хилийн хоригоо цуцлуулан, гадаадад эмчлүүлэхээр явсан гэнэ. Энэ хугацаанд "Ерөнхий сайд асан Ч.Сайханбилэг Монголд ирэх хугацаагаа шүүхийн зөвшөөрөл өгсөн хугацаанаас 2-3 удаа хойшлуулсан учир АТГ-аас түүнийг “оргон зайлсан” гэж үзэн эрэн сурвалжлахаар  шүүхийн байгууллага руу хүсэлтээ хүргүүлээд байна гэлээ.