Засгийн газар

Манай улс ФАТФ-ын саарал жагсаалтад багтаад байгаа. Эдийн засгийн хувьд дэлхийгээс тусгаарлагдах өндөр магадлалтай. Үүнээс холдохын тулд олон улсын байгууллага манай улсад зургаан сануулга өгөөд байсан юм. Тэгвэл сангийн сайд тэргүүтэй 30 хүний баг ФАТФ-д тайлангаа тавьсан байна. Зургаан сануулгаас гурвыг манай улс биелүүлжээ. Үлдсэнийг нь ойрын хугацаанд шийдвэрлэснээр саарал жагсаалтаас удахгүй гарна гэдгийг сангийн сайд хэллээ.

Монгол Улсад мөнгө угаах, терроризмийг санхүүжүүлэх гэмт хэрэг үйлдэгдэх  боломжтой гэж үзэн олон улсын байгууллага эрсдэлт бүлэг буюу саарал жагсаалтад багтаагаад гурван сар болж байна. Тэгвэл саарал жагсаалтаас гарахын тулд манай улс юу хийж байгаагаа улирал тутамд тайлагнах учиртай. Тиймээс салбарын сайд БНХАУ-ын Бээжин хотод болсон ФАТФ-ын хамтарсан бүлгийн уулзалтад тайлан тавьсан байна.

Манай улс саарал жагсаалтад багтах болсон нэг шалтгаан нь арилжааны банкуудын өөрийн хөрөнгөө нэмэгдүүлсэн эх үүсвэр байсан. Зарим банкууд эх үүсвэрээ шалгуулахаас татгалзсан нь мөнгө угаах замаар нэмэгдүүлсэн байж болзошгүй гэж үзэхэд хүргэсэн байдаг. Үүнээс гадна Монголын ипотекийн корпорацийн хөрөнгийг ашиглан банкууд эх үүсвэрээ нэмэгдүүлсэн нь үнэн гэдгийг салбарын сайд хэллээ. Мөн УИХ дээр дэмжлэг аваагүй хоёр хууль саарал жагсаалтаас гарахад хүндрэл дагуулж байгааг онцолсон юм.

МАНАЙ УЛС ФАТФ-ЫН ЗУРГААН ЗӨВЛӨМЖӨӨС ГУРВЫГ НЬ БИЕЛҮҮЛЭЭД БАЙНА

ФаТФ-ын нэгдсэн хурал ирэх зургаадугаар сард болно. Түүнээс өмнө манай улс үлдсэн гурван зөвлөмжийг хэрэгжүүлсэн тохиолдолд саарал жагсаалтаас гарах бүрэн боломжтой юм.

 ФЭЙСБҮҮК ШУУД