Засгийн газар

Төрийн тахилгатай Отготэнгэр хайрханы ай савд уул уурхайн лиценз олгожээ. Байгалийн үзэсгэлэнт уулаас гадна монгол түмний эртний шүтээн хайрханд хэн ч гар хүрэхгүй гэдгийг Монгол Улсын Ерөнхий сайд өнөөдөр мэдэгдлээ. Олгосон лицензийг хуулийн дагуу цуцлана гэдгээ ч сануулсан байна.

МОНГОЛ МАЙНИНГ ЭНД ЭКСПЛОРЕЙШН ХХК-д 2002 онд анх хайгуулын тусгай зөвшөөрлийг олгож байжээ. Гэвч энэ зөвшөөрөл өнгөрсөн гэнэт ашиглалтын тусгай зөвшөөрөл болж хувирсан байна. Тиймээс аймгийн удирдлагууд тусгай зөвшөөрлийг нэн даруй цуцлахыг шаардан, холбогдох байгууллагуудад ханджээ. Уул уурхайн сайд энэ хүсэлтийг хүлээн авч, тусгай зөвшөөрлийг цуцлахаа илэрхийлсэн. Тэгвэл өнөөдөр Монгол Улсын Ерөнхий сайд мөн энэхүү лицензийг цуцлахыг үүрэг болголоо.

Завхан аймаг нь уул уурхайгаас татгалзаж, аялал жуулчлалыг илүүтэй хөгжүүлнэ гэж мэдэгдэж байсан. Энэ хүрээнд нийт 140 орчим хайгуулын болон ашиглалтын тусгай зөвшөөрлийг цуцалж байсан. Гэвч Отгонтэнгэр хайрханд 2002 онд олгогдсон зөвшөөрөл тухайн үед цуцлагдаагүй байна.

МОНГОЛ МАЙНИНГ ЭНД ЭКСПЛОРЕЙШН ХХК-д олгосон зөвшөөрлөөс гадна Отгонтэнгэр хайрханд гурван ч тусгай зөвшөөрөл олгогдож байжээ. Эдгээр зөвшөөрлийг 2017 онд цуцалжээ.

ФЭЙСБҮҮК ШУУД