Засгийн газар

Коронавируст халдварын улмаас эдийн засагт гарч буй хүндрэлийг даван туулахын тулд засгийн газар санхүүгийн багц дэмжлэг үзүүлэхээр шийдвэрлэсэн. Тогтоолтой холбоотой хуулийн төслүүдийг ч Улсын их хурал баталлаа. Тэгвэл аж ахуй нэгжүүдийг нийгмийн даатгалын шимтгэлээс чөлөөлөх, ажилтан бүрт 200 мянган төгрөг олгох шийдвэр ирэх долоо хоногоос хэрэгжих гэж байна. Ингэхдээ орлого нь 50-иас доош хувиар буурсан ч ажлын байраа хадгалсан компаниудад олгохоор болжээ.

Цар тахалтай холбоотойгоор эдийн засгийг эрчимжүүлэх тодорхой тогтоол гаргаж, нийгмийн даатгалаас иргэн, аж ахуйн нэгжийг чөлөөлөх болон санхүү нь хүндэрсэн аж ахуй нэгжийн ажилтнуудад гурван сарын хугацаанд 200 мянган төгрөгийн дэмжлэг үзүүлэхээр болсон. Үүнтэй холбоотой журмыг Засгийн газрын өнөөдрийн хуралдаанаар баталлаа. Нийгмийн даатгалын шимтгэлийг дөрөвдүгээр сарын 1-нээс аравдугаар сарын 1-нийг хүртэл чөлөөлж, дөрөвдүгээр сарын 1-нээс долдугаар сарын 1 хүртэл хувийн хэвшлийн аж ахуйн нэгжүүдэд 200 мянган төгрөг олгохоор шийдвэрлэсэн. Үүнийг хэрхэн зохицуулж журмалсан талаар сайд С.Чинзориг танилцууллаа.

НДШ-ээс 6 сар хугацаанд чөлөөлөгдөх аж ахуй нэгжийн жагсаалтад 45 мянга орчим аж ахуй нэгж, 700 мянга орчим даатгуулагч хамаарагдаж, 900 орчим тэрбум төгрөгийн хөнгөлөлт эдлэх тооцоог салбарын яамд гаргажээ. Мөн Хүүхдийн мөнгийг сар бүрийн 20-нд олгодог. Харин хүүхдийн мөнгийг дөрөвдүгээр сарын 1-нээс долдугаар сарын 1-нийг хүртэл 30 мянган төгрөгөөр олгоно. Энэ журам ч батлагджээ. Ингээд 7 сарын 01 хүртэл хүүхдүүд 30 мянган төгрөг төрөөс авах нь ээ...

ФЭЙСБҮҮК ШУУД ҮЗЭХ