Засгийн газар

Дэлхий даяар хөл хорио тогтоож Монгол Улсын иргэд гадны улс оронд гацаад байна. Өнөөдрийн байдлаар гэхэд 9,500 гаруй иргэн эх орондоо буцах хүсэлтээ ирүүлжээ. Ямар ч үед иргэдээ авах ёстой учраас Улсын онцгой комисс тусгай үүргийн хоёр онгоц дахин нисгэх гэж байна. Эхнийх нь Бүгд Найрамдах Солонгос Улсын Сөүл хотоос ирэх бол дараагийнх нь Холбооны Бүгд Найрамдах Герман Улсын Франкфурт хотоос ирэхээр төлөвлөгдөжээ.

Өчигдөр Улсын онцгой комисс хуралдаж, ойрын хугацаанд тусгай үүргийн онгоц илгээж, иргэдээ татах чиглэлийг холбогдох байгууллагуудад өгсөн байна.

4-р сарын 30-ны өдөр БНСУ-ын Сөүл хөт, 5-р сарын 2-нд ХБНГУ-ын Франкфурт хотруу онгоц нисгэхээр болжээ.

Энэ удаад ч мөн зайлшгүй хүндэтгэх шалтгаантай буюу өвчтэй, жирэмсэн, бага насны хүүхэдтэй, хөгжлийн бэрхшээлтэй, өндөр настай иргэд нэн түрүүнд татах юм.  Гаднаас ирж байгаа иргэд урьдын адил байгаа улсдаа шинжилгээнд хамрагдсан байх шаардлагатай юм.

Гэхдээ ирэхээс 48 цагийн дотор шинжилгээ өгсөн байх ёстойг онцгойлон анхааруулж байна. 

Европт байгаа иргэдээ эх орондоо ирэх боломжоор хангах үүднээс олон улсын нислэг үйлдэх транзит заалттай гэж Франкфурт хотыг сонгож МИАТ компани шууд нислэг үйлдэхээр  бэлтгэл ажилдаа оржээ. Гадны 35 улсаас манай улсын 9,412 иргэн эх орондоо ирэх хүсэлтээ гаргасан байна. Гэхдээ шинээр нэмж бүртгэхгүй, өмнө нь бүртгүүлсэн иргэдээсээ зайлшгүй шалтгаантай 500 орчим иргэнээ эхний удаад авч ирэх нь. 

Манай улсын 9,412 иргэн нутаг буцах хүсэлтээ гаргаад байгаагаас дийлэнх нь БНСУ-1820, Австрали-1143, АНУ-1578, Турк-651, Их Британи-365, Казахстан-1097, Энэтхэг-487, Япон-420 зэрэг улсаас байна. Шалтгаанаар нь үзвэл:

Бага насны хүүхэдтэй-1452

Эрүүл мэндийн шалтгаантай-376

Өндөр настан-854

Жирэмсэн-141

Богино хугацааны визтэй-303

Байрлах газаргүй-118

Оюутан-2309

Санхүүгийн боломжгүй болсон-813

Насан хүрээгүй хүүхэд-371

Бусад -2677 байна.

Бүс нутгаар нь авч үзвэл: Европ -2335, Ази-4243, Америк-1691, Австрали-1143 иргэн байгаа юм байна.  

ФЭЙСБҮҮК ШУУД ҮЗЭХ