Засгийн газар

2024 он гэхэд манай улс газрын тосны бүтээгдэхүүнийхээ 55 хувийг дотоодоо үйлдвэрлэх зорилт тавьж байна. Мөн нүүрсний экспортоо 50 сая тоннд хүргэхээр төлөвлөснөө салбарын удирдлагууд Ерөнхий сайд У.Хүрэлсүхэд танилцууллаа. Уул уурхайн баялгаа олборлох нэг хэрэг. Харин дотооддоо боловсруулах, бүтээгдэхүүн үйлдвэрлэхэд онцгой анхаарахыг сануулсан байна.

Манай улс энэ оны эхний 9 сарын байдлаар 21.2 сая тонн нүүрс экспортолсон. Тэгвэл 2024 онд 50 саяд хүргэх зорилт дэвшүүлээд байна. Мөн тус онд газрын тосны жилийн хэрэгцээний 55 хувийг дотооддоо үйлдвэрлэх зорилттойгоор салбарын яам ажиллаж эхлээд байна.

Энэ мэтчилэн ирэх дөрвөн жилийн хугацаанд ажиллах бодлогоо УУХҮЯ тодорхойлжээ. Харин Монгол Улсын Ерөнхий сайд У.Хүрэлсүх нөхөн сэргээлтийг хийх, бусад салбар яамтай хамтран ажиллах хэрэгтэйг сануулсан юм. Мөн эцсийн бүтээгдэхүүн үйлдвэрлэх үйлдвэрүүдийг байгуулах хэрэгтэй гэлээ.