Архив...

Намууд

Тойрог байгуулж, мандат хуваарилах асуудал 2-р сарын 1-нээс өмнө эцэслэгдэх ёстой. Улс төрийн намууд энэ асуудлын хүрээнд өөрсдийн байр сууриа илэрхийлсээр байна. Тухайлбал, УИХ дахь Шинэ намын зөвлөл нийслэлийн мандатыг хасч, орон нутагт нэмэх нь буруу. Хүн амын тоо, газар нутгийн хэмжээг харгалзан үзэж тойрог байгуулах нь зөв гэсэн юм.  

СЕХ-оос тойрог байгуулж, мандат хуваарилах асуудлаар хийгдсэн судалгааг УИХ-д хүргүүлсэн. Хуулиараа энэ асуудлыг энэ долоо хоногт эцэслэх ёстой. Зарим намуудын хувьд нийслэлийн мандатыг хасч орон нутагт нэмэх нь зөв гэсэн саналыг гаргаж байгаа. Харин шинэ нам эсрэг байр суурьтай байна.

Үүнээс гадна шинэ намын зөвлөлийн хурлаар Хөтөлийн цемент шохойн үйлдвэрийн хувьчлалын асуудлыг хөндөж хэлэлцүүлэг өрнүүллээ. Тус үйлдвэрийг 2010-2015 оны хооронд хувьчилсан. Гэхдээ хувьчлал хууль ёсны дагуу явагдсан уу гэдэг нь эргэлзээтэй гэдгийг шинэ намын дарга мэдэгдсэн юм.

УИХ-ын гишүүн Н.Номтойбаярын бүрэн эрхийг түтгэлзүүлэх асуудлаар халдашгүй байдлын дэд хороо өнгөрсөн Баасан гарагт хуралдаж, түтгэлзүүлэх  шаардлагатай гэж үзсэн. Энэ асуудлыг энэ долоо хоногт хэлэлцэх ёстой. Шинэ намын зөвлөлөөс хариуцлага алдсан бол бүрэн эрхийг түтгэлзүүлэх нь зөв гэсэн байр сууринаас асуудалд хандаж байна.