Намууд

УИХ-ын сонгуулийн тухай хуульд “Сонгуульд оролцохоор бүртгүүлсэн нам, эвсэл нэр дэвшүүлэх ажиллагааг санал авах өдрөөс 45 хоногийн өмнө эхлүүлж, долоо хоногийн хугацаанд дуусгана” хэмээн заасан байдаг юм. Үүний дагуу УИХ-ын 2020 оны сонгуульд оролцох нам, эвслүүдийн нэр дэвшигчдээ тодруулах хугацаа өнөөдөр дуусна.

МАХН-ын Бага чуулган 16:00 цагаас хуралдахаар цагаа товлоод байна. Тус намын Бага чуулганы хурал хараахан эхлээгүй байна. Гүйцэтгэх товчооны хурлын дараагаар намын бага чуулган хуралдахыг намын зарим гишүүд мэдээллээ. Бага чуулганы хуралдаанаар УИХ-ын 2020 оны сонгуульд нэр дэвшигчид тодорхой болох юм.

УИХ-ын сонгуульд 15 нам, дөрвөн эвсэл оролцохоор Сонгуулийн ерөнхий хороонд бүртгүүлээд байна.