Нийгэм

Дэд бүтцийн ажил ийнхүү дууссанаар үйлдвэрийн бүтээн байгуулалтын ажил эхлэх боломжтой болж байна.  Газрын тос боловсруулах үйлдвэрийг байгуулах төслийг хэрэгжүүлэх үүрэг бүхий Монголын газрын тос боловсруулах үйлдвэр ТӨХХК-ийг байгуулсан. Тус компани үйлдвэрийн нарийвчилсан ТЭЗҮ-ийг Энэтхэгийн Инженерс Индиа Лимитэд компанитай хамтран боловсруулж байна. Байгууламж тус бүр дээр нарийвчилсан зураг төсөл боловсруулагдах юм. Ингээд 2021 оны хавраас технологийн буюу газрын тос боловсруулах процессын байгууламжууд баригдаж эхлэх юм.

Газрын тосны хоёр талбайтай. Эдгээр талбайгаас ойр зайд тос цуглуулах цэгээ байгуулна. Тээвэрлэлтийг хэрхэн хийх талаар яриа өрнөж байгаа. Мэдээж хамгийн ашигтай гэсэн хувилбарыг сонгоно гэдгийг компанийн удирдлагууд хэлсэн.Газрын тос боловсруулах үйлдвэр байгуулагдсанаар түлш, шатахуун болон бусад бараа бүтээгдэхүүний үнэ тогтворжих зэрэг олон талын эерэг үр дүн гарах юм.

2015 онд БНЭУ-ын засгийн газраас нэг тэрбум долларын хөнгөлттэй зээлийг манай улсад олгохоор болсон. Зээлийн тухайд нэг жилийн 1.75 хувийн хүүтэй. Эхний долоон жилд зээл болон хүү төлөхгүй. Үйлдвэр ашиглалтад орсон эхний 8-10 жилд өртгөө нөхөх боломжтой гэдгийг Монгол улсын ерөнхий сайд мэдэгдсэн юм.