Нийгэм

Улсын соёл урлагийн ууган байгууллагуудыг нурааж шинэчлэх нь зөв гэсэн байр суурийг урлагийнхан илэрхийлж байна. Хэсэг хүмүүсийн эсэргүүцэлтэй тулсан ч уг барилгууд насжилт өндөртэй цаашид удаан оршин тогтнох боломжгүй болсон гэж тэд тайлбарлаж байна.

Улс орон болгонд соёлын өв байх ёстой ч УДЭТ, УДБЭТ, Төв номын сан соёлын өвийн жагсаалтад багтаагүй тухай албаныхан ярьж байна. Аргагүй урлагийн байгууллагын дурсгалт газрууд мөн хэдий ч ашиглах боломжгүй гэж мэргэжлийн байгууллагууд дүгнэжээ. УДБЭТ-ын их барилга өөрөө талбайн хувьд газар хөдлөлтийн 7 баллын бүсэд хамаарагдаж байгаа гэнэ. Бэльтажны арматур хоорондын зай алдагдаж зарим хэсэгт бөөрөөрөө нийлсэн, лабораторийн шинжилгээгээр танхимын даацын хананууд шаардлага хангахгүй, босоо цууралт үүссэн байгааг тогтоожээ. Галын аюул тохиолдоход уг байгууламжийн 60 хувь өртөх эрсдэлтэй төдийгүй орц гарц муутай. Агааржуулалт салхивчийн шийдэл байхгүй. Үзэгчдийн 00 хүрэлцээ муу, сантехник буруу. Театрын барилгын зохион байгуулалтын үндсэн нэг гол чухал хэрэглэгдэхүүн болсон тайз болон үзэгчдийн заалны акустик стандартад нийцдэггүй гээд дурьдаад байвал олон зүйл байгаа юм.

Урлагийн байгууллагынхан гадны уран бүтээлчдийг тайзан дээрээ тоглуулахаас ч ичдэг гэнэ. Ингэж хэлж байгаагийн учир дэлхийн аль ч улсын театрт очсон бүхий л техник хэрэгсэл нь орчин үеийн шаардлагад нийцэж, дижиталчлагдсан байдаг гэж тэд ярьж байна. Харин эсрэгээрээ гадны уран бүтээлчдийг тайзан дээрээ урьж тоглуулахдаа арга эвийг нь олж учир байдлаа хэлж тоглуулдаг тухай ярьлаа. УДБЭТ-ын хувьд гэрэлтүүлэг, дуу хөгжим гээд бүхий л үйл ажиллагаагаа өнгөрсөн хугацаанд гар аргаар явуулсаар иржээ.

Төв номын сангийн хувьд ч ялгаа байхгүй 1951 онд ашиглалтад оржээ. Түүнээс хойш 68 жилийн хугацаанд гурван давхар барилгад нэг ч удаа засвар хийгээгүй, өргөтгөл шинэчлэл өрнөөгүй байна. Барилгын эргэн тойрны бетон хаяавч хөндийрч хагарч цуурсан сууж, нийт барилгын хэмжээнд 35 мм хэмжээтэй нэвт хагаралт үүссэн, багана хазгай, халаалт хэрэгцээний халуун хүйтэн усны шугамд гар огт хүрээгүй гээд гадна дотногүй барилга муудсан гэж тайлбарлаж байна.

Урлаг соёлын алдартнууд амь амьдралаа зориулсан алтан тайзаа үгүй хийхийг хүсэхгүй. Гэхдээ бодит байдал ийм байгааг ярьж байна. Тиймээс урлагийн ертөнцийн гүн рүү нь өнгийж үүх түүхийг нь мэдэхгүй хүмүүс буруу ташаа мэдээллийн улмаас түүхэн шийдвэрээ цуцалж байгааг эргэж харахыг хүслээ. 2020 оны улсын төсөвт дээрх байгууллагуудын барилгыг шинэчлэх засч сайжруулах хөрөнгийг суулгах ёстойг ийнхүү алтан үеийн төлөөллүүд уламжиллаа.

 ФЭЙСБҮҮК ШУУД