Нийгэм

Шахмал түлштэй холбоотой асуудлаар цагдаа, онцгой, мэргэжлийн хяналтын байгууллагуудаас мэдээлэл хийлээ.  Шахмал түлшийг хэрэглэх явцад гарсан хүндрэл болон үүнийг дагаж гарч байгаа гэмт хэргийн талаар анхаарууллаа.  Шахмал түлш хэрэглэж эхэлснээс хойш зургаан  дүүргийн 28 хороонд 528 иргэн хийн хордлогод өртөж 41 иргэн эмчилгээ хийлгэжээ.  Үүсээд байгаа нөхцөл байдалтай холбогдуулан холбогдох байгууллагуудаас ямар арга хэмжээ авч байгаа талаар мэдээлж байна. 

ТҮҮХИЙ НҮҮРС ТҮЛЖ БАЙГАА АЙЛ ӨРХ, ААН-ҮҮДИЙН МЭДЭЭЛЛИЙГ 70128012 УТСААР АВЧ БАЙНА

Зөвшөөрөлгүйгээр Улаанбаатар хот руу түүхий нүүрс оруулахгүй байх, мөн хэрэглэхийг хориглосон. Гэсэн хэдий ч иргэд хууль бусаар оруулах, цаашлаад хэрэглэх байдал гарсаар байна. Өчигдөр л гэхэд түүхий нүүрс хэрэглэж байсан 36 тохиолдол гарчээ.

Хороо бүр дээр хяналтын хэсгийг байгуулан, утаа ихээр гарч байгаа газруудыг шалгаж ажиллаж байна. Хэрэв иргэд зөвшөөрөгдөөгүй бүсэд түүхий нүүрс хэрэглэвэл 1 сая хүртэлх төгрөгөөр, аж ахуй нэгж байгууллагыг 10 сая төгрөгөөр торгох хуулийн заалттай.

Түүхий нүүрс хэрэглэж байгаа айл өрх, албан байгууллагуудын талаар иргэд 70128012, 77775000 гэсэн утсанд хандан мэдээлэл өгөх боломжтой.

ФЭЙСБҮҮК ШУУД