Нийгэм

"Хүчээ нэгтгэе" уриан дор эмэгтэйчүүд чуулж байна. Нийгмийн ардчилал Монголын эмэгтэйчүүдийн холбооноос хэрэгжүүлж байгаа “Алхангаа ярилцъя” арга  хэмжээ улс орон даяар өрнөх юм. 10-р сард Улаанбаатар хотоос эхэлсэн энэ арга хэмжээ өнөөдрийн байдлаар 6 аймаг, 2 дүүрэгт хэрэгжээд байна. Өнөөдөр ХУД-т зохион байгуулагдаж, эмэгтэйчүүд тулгамдсан асуудлаа алхангаа ярилцаж, гарц шийдлүүдийг эрэлхийлж байлаа. Өөрсдийн болоод нийгэмд тулгамдаж байгаа асуудлуудыг хэлэлцэж, санал бодлоо илэрхийлж, шийдвэр гаргах түвшинд дуу хоолойгоо хүргэхээр эмэгтэйчүүд нэгджээ.

Тэд алхангаа ярилцаад зогссонгүй. Асуудлыг шийдвэрлэж, гарц шийдлийг тодорхойлж байсан юм. Өнөөдөр эмэгтэйчүүд асуудлыг ярилцаж, хоёр өртөө газар алхлаа. Ажлын байр, орчны бохирдол, орон сууцны дундах зам талбай, ногоон байгууламжийг шийдвэрлэхийг хүсч байлаа.

Эмэгтэйчүүд алхангаа ярилцсаны дараа чадавхжуулах сургалтад хамрагдлаа. Сургалт өгөөжтэй байж, эмэгтэйчүүд эхнээсээ бодитой дэмжлэг авч байгааг тэд онцолж байсан юм. Өрхийн болон бичил бизнес эрхлэгчид өрх толгойлсон эмэгтэйчүүдэд энэ үеэр дэмжлэг үзүүлж байсан юм. ХУД-ийн хэмжээнд өрх толгойсон 2400 орчим эмэгтэй байдаг байна. Өнөөдөр 5 ээжийг орон гэртэй болгох асуудлыг шийдвэрлэлээ.

Иргэн, төрийн харилцааг шинэ шатанд гаргах чухал ач холбогдолтой арга хэмжээ болж байгааг эмэгтэйчүүд ярьж байлаа.

НАМЭХ-оос зохион байгуулж байгаа алхангаа ярилцаж, гарц шийдэл олох, сургалт зөвлөгөө өгөх, эмэгтэйчүүдийнхээ дуу хойлойг сонсох энэ арга хэмжээ цаашид улс орон даяар үргэлжлэх юм. 2020 оны 3-р сар гэхэд 21 аймгийн хэмжээнд зохион байгуулж дуусахаар төлөвлөжээ.