Нийгэм

Монголын хувийн хэвшлийн байгууллагууд БНХАУ-д туслахаар нэгджээ.  Бизнес эрхлэгч байгууллагуудын төлөөлөл МҮХАҮТ-аар дамжуулан  нийт 140 орчим сая төгрөгийн хандив цуглуулсан байна.  Тус хандивын мөнгөө өнөөдөр Хятад Улсаас Монгол Улсад суугаа Онц бөгөөд Бүрэн эрхт элчин сайдад гардуулан өглөө.  

БНХАУ-ын Ухань мужаас илэрсэн коронавирусын халдвар дэлхийн олон улсад тархаад байгаа. Өнөөдрийн байдлаар 40 гаруй хүн халдвар аваад байгаа юм. Халдвар эрчимтэй тархаж байгаа БНХАУ-ын тухайд 31 мужийг хамарч 1000 гаруй хүнээ тус халдвараар алдаад байна. Тиймээс олон жилийн найрсаг хамтын ажиллагаатай явж ирсэн БНХАУ-д манай улсын бизнес эрхлэгчид МҮХАҮТ хамтран 140 сая төгрөгийг хандивлалаа. Тус хандивыг БНХАУ-аас Монгол Улсад суух Онц бөгөөд Бүрэн эрхт элчин сайд Цай Вэньруйд хүлээлгэн өглөө.

Монгол Улсаас хувийн болон төрийн хэвшлийн байгууллагууд  шинэ төрлийн коронавирустай холбоотойгоор БНХАУ-д хандив тусламжийг өгч байгаа. БНХАУ-аас хандив тусламж үзүүлж байгаад Монголын ард түмэнд талархаж байгаагаа илэрхийлж байлаа.