Нийгэм

Нийслэлийн онцгой комисс өнөөдрөөс эргүүл гаргалаа. Иргэдэд коронавирусээс сэргийлэх зөвлөгөө мэдээллийг хүргэнэ. Мөн амны хаалт тогтмол хэрэглэхийг сануулж, гудамж талбайд нус цэр шүлсээ хаяхгүй байхад хяналт тавих юм. Эргүүлд 6,700 гаруй хүн ажиллаж нийслэлийн иргэдэд санаа тавихаар болсон байна.

“Covid-19” буюу шинэ төрлийн халдвараас урьдчилан сэргийлэх хүрээнд нийслэлийн Онцгой комиссын шийдвэрээр Улаанбаатар хотод “Эргүүл” нэгдсэн арга хэмжээг эхлүүлжээ. Нутгийн захиргааны 71 байгууллагын 6,700 орчим төрийн албан хаагч явган эргүүл хийж ажиллана гэлээ. Мөн дүүргүүдийн төр захиргааны байгууллагын албан хаагчид нэмэлтээр хуваарийн дагуу үүрэг гүйцэтгэж, иргэдэд мэдээлэл зөвлөгөө өгч, шаардлага тавих юм байна.

“Хотын Захирагч өчигдөр Налайх дүүрэгт ажиллах үеэрээ  ОБЕГ-ын харьяа Уул уурхайн авран хамгаалах ангийн онцгой байдлын ажилтнуудын оёдлын цехийг амны хаалтыг оёж иргэдэд тараах чиглэл өгчээ.  Мөн оёдлын чиглэлээр үйл ажиллагаа явуулдаг аж ахуйн нэгжүүдтэй уулзаж амны хаалтыг нийлүүлэх асуудлаар ярилцаж байгаа талаар НЗДТГ-аас мэдээллээ.