Нийгэм

Нийслэлийн онцгой комиссын шийдвэр хэрэгжиж эхэлснээр Улаанбаатар хотын нийтийн тээврийн үйлчилгээ хязгаарлагдаж байна. Иргэд ажил албандаа явахад хүндрэл учирч байгаа учраас хөл хөдөлгөөн хамгийн их цагуудад цөөн тоогоор үйлчлэхээр болсон байна.  

3-р сарын 3-ны өдрийг хүртэл хот доторх нийтийн тээвэр тооны хязгаарлалттай иргэдэд үйлчилнэ. Ингэхдээ ажил эхлэх болон тарах цагуудад бүх чиглэлд иргэдэд хүрэлцээтэй байхаар явуулах бол өдрийн цагт цөөн тоогоор явуулах зохицуулалт хийжээ.

 

Цахим сүлжээнд нийтийн тээвэр өглөө оройн цагаар зөвхөн төрийн албан хаагч нарт үйлчилнэ гэх мэдээлэл тархсаныг албаныхан үгүйсгэж байна. Ажлын хоёр өдөр дээрх зохицуулалтаар үйлчлэх бол амралтын өдрүүдэд цөөн тоогоор иргэдэд үйлчилнэ гэлээ.

Нийтийн тээврийн тооны хязгаарлалт ирэх Даваа гарагаас буюу 3-р сарын 3-ны өдрөөс эхлэн хэвийн явна. Тиймээс иргэд нийтийн тээврээр үйлчлүүлэхдээ амны хаалтаа сайтар зүүхээс гадна шаардлагагүй бол нийтийн тээврээр зорчихгүй байх хэрэгтэйг хэлж байгаа юм.