Нийгэм

Өчигдөр Улсын их дэлгүүрийн дээд давхарт томоохон гал гарч Нийслэлийн гал унтраах аврах ангиуд бүгд ажиллалаа. Хэн нэгэн хүн гэмтэж бэртээгүйг онцолж байна. Гал гарах үед долоон иргэн байшингийн дээвэр дээр утаанд боогдсон. Тэднийг аврагчид хамгаалж, аюулгүй газарт хүргэж амжсан байна. Одоогоор галын шалтгаан нөхцлийг тогтоохоор хуулийн байгууллагууд ажиллаж байгааг онцоллоо.

Өчигдөр 16:48 цагт УИД-т гал гарч байна гэсэн дуудлагаар ЧД-ийн гал унтраах аврах 10-р анги ажилласан байна. Гал зургаан давхарт их хэмжээгээр гарч байсан тул нэмэлт ангиуд дуудаж бэлтгэл ээлж, амарч байсан ангиудыг ажиллуулан найман анги гал унтраах аврах ажлыг явуулсан байна.

Улмаар 17:30 цагт галын тархалтыг зогсоон 21:30 цагт бүрэн унтраажээ. Гал гарч байх үед утаанд боогдсон долоон иргэнийг аварсан байна. Галын шалтгааныг тогтоохоор цагдаагийн байгууллага, албаны хүмүүс ажиллаж байна.

Урьдчилсан байдлаар цахилгааны асуудлаас үүдэлтэй гал гарсан байх магадлалтай гэлээ. Галын дүгнэлт 14 хоногийн дараа гарах юм. Галын утаа тортог давхруудад бүхэлдээ тархсан байна. Зургаан давхар бүхэлдээ шатсан бол таван давхар хагас шатаж гал унтраасан ус нэвчсэн байдалтай байгаа гэлээ. Хохирлын хэмжээ нэлээд их гарах нөхцөл байдалтай байна.

ФЭЙСБҮҮК ШУУД ҮЗЭХ