Нийгэм

Хүүхдийн төрөлжсөн асрамж халамжийн төвөөс 18 нас хүрч, бие даан амьдрах гэж байгаа хүүхдүүдийг дэмжих үүднээс НОСК ХК-иас түрээсийн орон сууцанд хамруулж эхлэхээр боллоо. Өнөөдөр Батдорж, Төрболд нар эхний батламжаа гардан авсан юм. Түрээсийн орон сууцыг цаашид түрээслээд өмчлөх боломжтой. Тиймээс тэд хичээн ажиллаж, өөрийн нэр дээрээ шилжүүлэн авах болно гэдгээ ах эгч нартаа амаллаа.

Хүүхдийн төрөлжсөн асрамж халамжийн төвөөс 18 нас хүрч, бие даан амьдрахаар болсон хүүхэд залуучуудын амьдрах байрнаас гадна, сургалтын төлбөрөө хэрхэн олон вэ зэрэг олон асуудал тулгардаг. Тэгвэл тэднийг дэмжих, амьдралд хөлөө олоход туслах үүднээс ийнхүү түрээсийн байранд хамруулж эхлэхээр боллоо. 2019-2020 онд асрамж халамжийн төвөөс 75 хүүхэд гарсан. Харин Батдорж, Төрболд нар боломжгүй улмаас төвдөө амьдарч байжээ.

АСРАМЖИЙН ГАЗРААС 18 НАС ХҮРЧ, БИЕ ДААН АМЬДРАХ ГЭЖ БАЙГАА ХҮҮХДҮҮДИЙГ ТҮРЭЭСИЙН ОРОН СУУЦАНД ХАМРУУЛЖ ЭХЭЛЛЭЭ

Нийслэлийн орон сууцны корпораци болон Гэр бүл, хүүхэд залуучуудын газар хамтран ажиллах санамж бичгийг байгуулан, олон залууст итгэл найдвар өглөө. Өнөөдрийн арга хэмжээд Нийслэлийн засаг дарга бөгөөд Улаанбаатар хотын захирагчийн үүрэг гүйцэтгэгч Ж.Батбаясгалан оролцсон юм. Тэрээр батламжаа гардан авсан хүүхдүүддээ амжилт хүслээ.

Зөвхөн түрээсийн байранд хамруулаад зогсохгүй, цаашид ажлын байраар хангах, өөрийгөө хөгжүүлэх боломж олгох нь чухал гэдгийг албаныхан энэ үеэр хэлж байлаа.