Нийгэм

Нийслэлийн засаг даргын үүрэг гүйцэтгэгч Ж.Батбаясгалан Үндэсний цэцэрлэгт хүрээлэнд зохион байгуулагдсан Миний Улаанбаатар челленжийг дэмжиж оролцжээ. Энэ үеэр дасгал хөдөлгөөн нь коронавируст халдвараас сэргийлэх чухал арга гэдгийг хэлж, спортоор хичээллэхийг уриаллаа.

Амны хаалт зүүх, гараа тогтмол угаахаас гадна идэвхтэй дасгал хөдөлгөөн хийх нь халдвараас сэргийлэх чухал арга гэдгийг Эрүүл мэндийн яамнаас зөвлөсөн. Тиймээс ч спортоор хичээллэх нөхцөл боломжоор хангах, олон нийтийн арга хэмжээг тогтмол зохион байгуулахыг нийслэлээс зорьж байна. Эдгээр арга хэмжээнүүдийн нэг нь Миний Улаанбаатар бүжгийн челленж юм. Хотын дарга энэхүү арга хэмжээнд оролцох үеэрээ бүх нийтийг спортоор хичээллэхийг уриалсан юм.

Цаашид энэ төрлийн олон арга хэмжээг зохион байгуулж, иргэд спортоор хичээллэх боломжтой орчинг бий болгосоор байх болно гэсэн юм.