Нийгэм

Коронавируст халдварын зөөвөрлөгдсөн тохиолдол нэгээр нэмэгдлээ. Халдвартай иргэн Бүгд Найрамдах Солонгос Улсаас ирсэн байна. Гадаад ертөнцөд өвчин намжаагүй. Монгол хүмүүст халдварласан тохиолдол байсаар байгаа нь дотооддоо алдах өндөр эрсдэл хажууханд байгааг Эрүүл мэндийн яамнаас мэдээллээ. Өнөөдрийн сайн мэдээ гэвэл хоёр хүн бүрэн эдгэрч дараагийн тусгаарлалт руу шилжсэн байна.

 

Наймдугаар сарын 26-ны өдөр ХӨСҮТ-ийн вирус судлалын лаборатори, Дархан-Уул аймаг дахь салбар лаборатори болон ЗӨСҮТ-ийн лабораторид нийт 553 хүнд шинжилгээ хийхэд, нэг хүний шинжилгээнд коронавирус илэрлээ. 552 хүнд илрээгүй байна. Харин наймдугаар сарын 22-нд Сөүл-Улаанбаатарын онгоцоор ирсэн, 35 настай, эрэгтэйгээс вирус илэрчээ. Халдвартай иргэн Сөүлд ажиллаж, амьдарч байсан байна. 

Өнөөдөр ХӨСҮТ-өөс хоёр хүн эдгэрч, сувиллын ажиглалтад шилжлээ. 32, 24 настай, хоёр эрэгтэй хүн эдгэрсэн байна. 

Өнөөдрийн байдлаар ХӨСҮТ-д нийт 36 хүн ажиглалт, тандалт, эмчилгээ хийлгэж байна. 

ФЭЙСБҮҮК ШУУД ҮЗЭХ