Нийгэм

Коронавируст халдварын зөөвөрлөгдсөн тохиолдол сүүлийн дөрөв хоногт илэрсэнгүй. Харин Халдварт өвчин судлалын үндэсний төвд ирсэн нийт 300 гаруй хүн эмчлэгдсээр өнөөдрийн байдлаар зургаан хүн үлдлээ. Халдвартай иргэдийн биеийн байдал хэвийн, эмчилгээ үргэлжилж байгааг Эрүүл мэндийн яамнаас онцолж байна.

Монгол Улс гаднаас зөөвөрлөгдсөн коронавируст халдварын нийт тохиолдын 98 хувийг эмчлээд байна. Өнөөдрийн байдлаар Монгол Улсад коронавируст халдварын гаднаас зөөвөрлөгдөж батлагдсан 301 тохиолдол бүртгэгдээд байна. Үүнээс 295 буюу 98 хувь нь эдгэжээ. Одоо 29 хүн  сувиллын ажиглалтад байгаа бол 40 хүн гэрийн ажиглалт руу шилжсэн байна. Мөн 226 хүний ажиглалт тандалтын хугацаа дууссан байна. ХӨСҮТ-д өнөөдөр коронавируст халдвартай зургаан хүн эмчлүүлж байгаа юм. Тэдний биеийн байдал эмнэлзүйн шинж тэмдгээр хөнгөн гэдгийг эмч, мэргэжилтнүүд хэллээ.

Өнөөдрийн байдлаар Монгол Улсын хэмжээнд 3,429 хүн ажиглалтад байна. Тусгаарлах байранд 301 хүн шинээр орж, 328  хүн гэрийн ажиглалт руу шилжжээ. ЭМЯ-ны 24 цагийн 119 шуурхай утсанд 36 дуудлага ирж, коронавируст халдвараас урьдчилан сэргийлэх зөвлөгөө авсан байна.

ФЭЙСБҮҮК ШУУД ҮЗЭХ