Нийгэм

1072 хувьцааны ногдол ашиг өнөөдрөөс эхлэн иргэдийн данс руу шилжинэ. Иргэдийн хувьд брокерийн компанид хандан хувьцааны данс нээлгэж арилжааны банкны данстайгаа холбох нь чухал.

Иргэн бүр хувьцааны данс баталгаажсан эсэхээ бүртгэлтэй брокерийн компанид хандан мэдэх боломжтой. Хэрвээ нээлгээгүй бол өөрт ойр байрлах брокерийн компанид биеэр очих эсвэл цахимаар бүртгүүлж хувьцааны данс нээлгэх юм. Тухайн хувьцааны дансыг өөрийн арилжааны данстай холбосноор таны 1072 хувьцааны ногдол ашиг шилжин орох боломжтой болох юм. Гэхдээ иргэн бүрт харилцан адилгүй хувьцаа байгааг албаныхан хэлж байна. 1072 ширхэг хувьцаанаас сургалтын, эрүүл мэндийн даатгал төлсөн, сайн хувьцаа хөтөлбөрийн хүрээнд засгийн газарт худалдсан байж болох юм. Нийт 2.5 сая гаруй иргэн Эрдэнэс Тавантолгой компанийн хувьцааг эзэмшиж байна. 

Нийт хувьцаа авах 2.5 сая гаруй иргэдийн 1.8 сая нь ҮЦК-д данс нээлгэсэн байна. Гэхдээ эдгээрийн зөвхөн 859 мянга нь арилжааны банкны дансаа бүртгүүлжээ. Харин огт данс нээлгээгүй 625,263 иргэн байгаа юм. Эдгээр иргэдэд хувьцааны ногдол ашгийг И-баримтад бүртгэлтэй данс руу нь шилжүүлэх боломжтой гэдгийг ҮЦТХТ-өөс мэдээллээ. Эрдэнэс Тавантолгой компаниас иргэдийн нэгж хувьцааг 90 төгрөгөөр үнэлж байгаагаа зарласан. Харин үүнээс 10 хувийн ашгийн татвар авч иргэдэд 81 төгрөгөөр нэгж хувьцааны ногдол ашиг бодогдон орж байгаа юм. Хэрвээ та 1072 ширхэг хувьцаатай бол 86,832 төгрөг, 1063 ширхэг хувьцаатай 86103 төгрөг таны дансанд шилжинэ. 

ФЭЙСБҮҮК ШУУД ҮЗЭХ