Нийгэм

2020 онд эх хүүхдийн эрүүл мэндийн үндэсний төвд 16 ээж гурван ихэр төрүүлжээ. Хамгийн сүүлд гэхэд өчигдөр Дорнод аймгийн иргэн Отгонтуяагийн гэр бүлд гурван ихэр охин мэндэлсэн байна. Ихрүүдийн биеийн байдал сайн. Байнгын эмчийн хяналтад байгааг ярилаа. Шинэхэн мэндэлсэн гурван ихрийг үзэгч таньтай уулзуулъя.

Охид аав, ээжийнхээ анхны хүүхдүүд юм. Ээж Б. Хишигбуян 27 настай. Одоогоос 18 хоногийн өмнө ЭХЭМҮТ-д амаржжээ. Энэ бол түүний анхны төрөлт юм. Ихэр охид 1,900 гр, 2,450 гр, 2,200 гр жинтэй мэндэлсэн байна.

Одоогоор ээж, хүүхдүүдийн биeийн байдал сайн, эмнэлгээс гарах дөхжээ. Охидын аав Д. Пүрэвдэмбэрэл цагдаагийн алба хаагч бөгөөд саяхан Улаанбаатар хотод томилогдсон байна. Ирээд удаагүй байхад нь эхнэр нь амаржиж, гурван ихэр охины аав болжээ. Хүүхдүүдийн нэрийг аав нь өгсөн гэлээ. Том охиндоо Урангоо, дунд охиндоо Намуунгоо, бага охиндоо Ариунгоо гэсэн нэр хайрлажээ.