Getty Images

Спорт

АНУ-ын Үндэсний сагсан бөмбөгийн холбоо “Юта Жазз” багийн тоглогчдын нэг нь коронавирусын халдвар авсан байж болзошгүй, мөн шинжилгээний хариу нь эерэг гарсан учраас энэ улирлын тоглолтыг цуцлах шийдвэр гаргалаа. 

Энэ тухай мэдээлэл өнөө өглөө “Юта Жазз” болон “Оклахома Сити Тандер” багуудын тоглолтын өмнөхөн ил болжээ. Хоёр багийн тоглолт Оклахома мужийн төв Оклахома-ситид болсон юм. Гэхдээ энэ өдөр товлогдсон багуудын тэмцээн эхэлж амжилгүй дууссан байна. 

Тоглолт эхлээд 20 минутын дараа тэмцээний шүүгчид хоёр багийн тоглолтыг зогсоож, тэмцээн цаашид үргэлжлэхгүй, хойшлогдож байгаа талаар мэдэгджээ. НБА-ийн удирдлагууд энэ явдлын дараагаар Лигийн бүх тэмцээн тодорхойгүй хугацаагаар хойшлогдож байгаа талаар мэдэгдсэн байна.