Улс төр

АНУ-ын ерөнхийлөгч Доналд Трамп БНХАУ-ын банкинд данстай байсан нь тогтоогдсон тухай Нью Йорк Таймс агентлаг мэдээлжээ. Тэрбээр тухайн дансаа олон жилийн турш БНХАУ-д бизнесийн төсөл хэрэгжүүлэхээр ашиглаж байсан хэмээн эх сурвалжид онцолсон байна.

Тухайн банкны данс нь 2013-2015 оны хугацаанд Трампын ОУ-ын зочид буудлын менежментийн хяналтанд ашиглагдсан гэжээ. Трампын төлөөлөгчийн мэдээлснээр энэ данс нь Ази тивийн зочид буудлын талаарх ажилд зарцуулагддаг байсан байна. Доналд Трамп АНУ-ын байгууллагууд Хятадад бизнес эрхэлж байгаад шүүмжлэлтэй хандаж, хоёр улсын хооронд худалдааны дайн дэгдээсэн. Харин Нью Йорк Таймсын зүгээс тухайн дансны тухай мэдээллийг Трампын хувийн болон компанийн санхүүгийн мэдээллийг багтаасан татварын бүртгэлийг авсны дараа олж мэджээ. Эх сурвалжийн мэдээлж буйгаар 2016-2017 онд Трамп ерөнхийлөгч болох үедээ АНУ-ын холбооны татвараар 750 доллар (580 фунт) төлсөн байв. Харин Хятадын банкны данс орон нутгийн татвараар 188,561 доллар төлсөн байжээ.