Үйл явдал

Английн нийслэл Лондон хотын захад байрлах нэгэн сургуулийн барилга руу машинтай этгээд халдан дайрсан хэрэг гарчээ. Машинтай этгээд сургуулийн барилга руу хурдтай ирж, нэг дороо бөөгнөрөн зогсч байсан хүмүүсийг дайрснаас 12 настай нэг хүү амиа алдаж, 5 хүн бэртсэн байна.

Лондон хотын захад болсон энэ хэргийг 51 настай Терри Гловер гэх эрэгтэй үйлдэж, цагдаа нар түүнийг баривчлан саатуулаад байгаа юм. Хэрэг явдлын гэрчүүдийн ярьснаар машины жолооны ард сууж байсан хүн зориудаар хурдаа нэмэн, хүмүүсийг дайрсан байна. Энэ хэргийн дагуу Лондоны цагдаа нар бусдын аминд санаатай халдахыг завдсан хэрэг гэж үзэн мөрдөн шалгах ажил явуулж эхлээд байна. Машинтай этгээдийн замд дайруулсан 12 настай хүү амиа алдаж, 15 болон 13 настай хоёр хүү, 16 настай өсвөр насны охин, мөн 53 настай эмэгтэй гэмтэж бэртсэн байна. Азаар тэдний амь насанд аюул байхгүй, хөнгөн бэртсэн гэнэ.

Хэргийг үйлдсэн этгээд Ford KA загварын мөнгөлөг өнгийн машинаар сургуулийн ойролцоох талбай дээр хурдтай явж, замдаа таарсан хүмүүсийг зориудаар мөргөжээ.