Үйл явдал

Хятадын баруун хойд хэсгийн Цинхай мужид мягмар гарагт гудамжны дундах авто зам нурж цөмөрснөөс 6 хүн амиа алдсан золгүй явдал болсон байна. 

Золгүй явдал Цинхай мужийн Синин хотын Нандажи гудамжинд болжээ. Энд авто зам цөмөрч, доош сууснаас томоохон нүх үүсчээ. Зам дээр үүссэн нүх рүү автобус унасан байна. Автобусанд явсан хүмүүсээс 10 хүн сураггүй алга болсонд тооцогдон, 15 хүн гэмтэж бэртжээ. Зам цөмөрсөн Нандажи гудамж нь хөл хөдөлгөөн ихтэй гудамж юм. Ослын газарт аврагчид ирж, нүх рүү унаснаас сураггүй алга болсон хүмүүсийг эрж хайх, аврах ажиллагаа явуулж байна. Хэрэг явдлын шалтгаан нөхцлийг тодруулахаар ажиллаж байна.