Үйл явдал

АНУ, Японы Йокохама мужид хөл хорионд ороод байгаа аяллын Diamond Princess хөлөг дээр байгаа улсынхаа иргэдийг шилжүүлэн авах хүсэлтээ Японы талд гаргажээ. 

Японы нийслэл Токио хот дахь Америкийн ЭСЯ-ны мэдээлснээр тэд карантинд орж, хөл хорионд байгаа аяллын хөлөг онгоцон дээр байгаа иргэдээ авч, эх орон руу нь нүүлгэн шилжүүлэх хүсэлт гаргасан байна. Энэ зорилгоор Америкийн тал Япон улс руу хоёр онгоц илгээж байгаа юм. Diamond Princess хөлөг дээр байгаа 2,600 зорчигчийн дотор Америкийн 416 иргэн байгаа юм. Түүнчлэн хөлгийн багийн бүрэлдэхүүнд Америкийн 12 иргэн байгаа гэнэ. Америкийн тал аяллын хөлөг дээрх иргэдээ шилжүүлэн авч, тусгай үүргийн онгоцоор эх оронд нь хүргэн, улмаар өвчний далд үе өнгөрөх хүртэл хоёр долоо хоногийн хугацаанд карантинд авч, шаардлагатай арга алхам авах юм.