Үйл явдал

Халдвар анх тархсан БНХАУ-ын Ухань хотын 9-р ангийн сурагчдын хичээл эхэлсэн байна. Энэ хотод нийт 72,800 орчим 9-р ангийн сурагч байдаг. Харин төгсөх 12-р ангийн сурагчид аль хэдийн хичээл нь ороод хоёр долоо хоног өнгөрч байна.

Хичээл нь эхэлж байгаа 9-р ангийн 72,800 сурагч нэг ангид 30-аас илүүгүй сурагч хичээллэх журмаар танхимын сургалтдаа хамрагдаж эхэлсэн. Дунд ангийн 7,8-р ангийн сурагчид хараахан хичээлдээ ороогүй байгаа учраас сургуульд онгорхой анги танхим дутагдана гэх асуудал одоогоор байхгүй тухай Ухань хотын Чи-И дунд сургуулийн захирал  Ши Шин И мэдээлсэн байна. Сурагчдын эрүүл мэндэд нягт анхааран анги танхим, сургуулийн дотоод үйл ажиллагаа болон дүрэм журамд ихээхэн өөрчлөлтүүдийг оруулжээ. Тодруулбал нийтийн ариун цэврийн өрөөг хэрэглэхээ больж анги бүрт тусад нь ариун цэврийн өрөө, буцалсан ус авах хэсгийг тохижуулж өгсөн байна.  

Мөн эмч, сувилагч, өвчнөөс урьдчилан сэргийлэх хянах ажилтан, сургуулийн эмчээс бүрдсан ажиглалтын өрөөг бэлдсэн тухай сургуулийн захирал онцоллоо. Бусад салбарын байгууллагууд ч мөн сурагчдын аюулгүй байдлыг хангах үүднээс тодорхой хэмжээний шинэ дүрэм журмыг дагаж мөрдөж байгааг Ухань хотын ЖиангАн дүүргийн Боловсролын хэлтсийн дарга Пан Фэнг “CCTV”-ын мэдээлэлд онцлон ярьжээ.