Үйл явдал

Коронавируст цар тахлын хүнд нөхцөл байдалд хяналттай ажиллан сүүлийн саруудад бүх халдвар авсан иргэдээ эмчлэн дотооддоо үйл ажиллагаагаа хэвийн явуулж байгаа Вьетнамын театрууд эргэн нээлээ. Үзвэр үйлчилгээний газар нээгдэж байгаа нь энэ улсад нөхцөл байдал хэр хэмжээнд сайн байгааг харуулж байна. 

Өнгөрсөн долоо хоногт 1-р сараас хойш хаалттай байсан Вьетнамын үндэсний театрт “Бэн Си” хэмээх анхны жүжиг тоглогдлоо. Хөл хорионы улмаас театрын жүжигчид, уран бүтээлч албан хаагчдын ажил зогсмол байдалтай байсан учраас театр эргэн нээсэн нь үзэгчид болон театрын албан хаагчдад сайхан мэдээ байлаа. Жүжиг үзсэн эрх баригчид болон үзэгчид Вьетнам эх орныхоо Соёл, спорт, аялал жуулчлалын яаманд талархаж байгаагаа илэрхийллээ.