Үйл явдал

Дэлхийн хэмжээнд коронавируст халдвар хамгийн ихээр бүртгэгдсэн улсаар АНУ нэрлэгдэж байгаа. 328 сая гаруй иргэнтэй энэ улсын нийт иргэдийн 17 саяыг Ази гаралтай Америк иргэд эзэлдэг. Цар тахал анх дэгдэж эхлэх үед вирусийг БНХАУ-аас гаралтай учраас маш олон Америк болон Европ тивийн иргэд Ази хүмүүст арьс өнгөний ялгаварлан гадуурхах үзэл гаргаж АНУ-ын Чикагод Ази гаралтай иргэд эрх чөлөөнийхөө тэмцэж байсан.

Өнөөдөр  “CNN” сайтад АНУ-д коронавируст халдвар аван эмчлүүлж байгаа иргэд дунд Ази гаралтай эмч сувилагчдыг ялгаварлан гадуурхах тохиолдол их байгаа тухай доктор  Леана Вэн ярьсан байна. Тэр ч бүү хэл эмчилгээ хийлгэхгүй гэж зөрүүдлэн, Ази гаралтай сувилагч руу нулимсан тохиолдол ч гарч байсан тухай тэрээр онцоллоо. Леан Вэний хэлснээр иргэд энэ мэт зүйлд анхаарах бус, эмчилгээгээ сайн хийлгэн эдгэрч, улс орныхоо цар тахалтай тэмцэх дүрэм журмыг сайтар дагаж чадвал бусад орны адил халдварыг хяналтдаа авах боломжтой гэдгийг хэллээ.