Үйл явдал

Серби Улсад сүүлийн хэдэн өдөр усархаг, хүчтэй бороо орж байгаа тухай дэлхийн хэвлэлүүд онцолж байсан. Үүнтэй холбоотойгоор их хэмжээний үер буун, 700 орчим айл өрх үерт автсан харамсалтай хэрэг гарлаа. Үерийн улмаас хэдэн зуун иргэнийг нүүлгэн шилжүүлэх ажиллагаа явагдаж байгаа тухай мэдээлж байна.

Түүнчлэн найман хотод цаг уурын онц байдал зарлаж магадгүй болсон. Улсын төв болон баруун өмнөд, баруун хэсгээр нөхцөл байдал хүндэрсэн байна. Зам болон гүүрэнд эвдрэл гэмтэл үүссэнээс гадна үерийн усанд осолдсон иргэдийг нүүлгэн шилжүүлжээ. Серби Улсад 2014 оноос хойш энэ хэмжээний хүчтэй бороо орон, үер буугаагүй болохыг эх сурвалжид онцоллоо.