Үйл явдал

Тайландын коронавируст халдвартай холбоотой өдөр тутмын хэвлэлийн хурлын үеэр вакцин гарган авахаар ажиллаж байгаа Био-Нэт Азиа компани ирж, мэдэгдэл хийсэн байна. Мэдэгдлийн үеэр вакцины хүн дээрх эмнэлзүйн туршилт эхлэх гэж байгаа тухай мэдээллээ. 

Вакцины үйл явц тооцооллын дагуу амжилттай явагдаж байгаагаас гадна хүн дээрх туршилтаа тун удахгүй эхлэх болж байгаа тухай хэлсэн юм. Энэ тухай Эрүүл мэндийн сайд Анутин Чарнвиракул Засгийн газраас бүх чадлаараа вакцин гарган авах ажлыг дэмжин ажиллана гэдгээ мэдэгдлээ. Одоогоор Био-Нет Азиа компани Тайландын иргэдийг вакцинаар хангах хэмжээний тунг бэлэн болгох зорилт тавин ажиллаж байгаа. Гэхдээ хамгийн эхний ээлжинд эмч сувилагч нарыг вакцинд хамруулах тухай Эрүүл мэндийн сайд онцолсон байна. Тайланд Улсын хэмжээнд Био-Нет Азиа компаниас гадна Чулангкорны их сургуулийн вакцин судалгааны төвийн судлаачид вакцин гарган авах ажлыг явуулж байгаа. Эрүүл мэндийн сайд Анутин хоёр төсөл хоёулаа төлөвлөгөөний дагуу амжилттай явагдаж байгаад баяртай байгаагаа илэрхийллээ.