Үйл явдал

Францын иргэний агаарын тээврээс 7580 ажилтан буюу нийт ажилчдынхаа 17.5 хувийг ажлаас нь чөлөөлөх шийдвэр гаргасан байна. Энэ компанийн зүгээс ажилчдаа цөөлж байгаа ч, нислэгийн тоог бууруулахгүй байх тал дээр түлхүү анхааран ажиллана гэдгээ мэдэгджээ.

Энэ удаад 7500 албан хаагчдад цомхтгол хийж байгаагаас гадна 2022 онд дахин 6,560 албан хаагчдыг цомхтгох тухай Францыг иргэний агаарын тээврээс мэдээлсэн байна. Коронавируст цар тахлын улмаас дэлхийн хэмжээнд олон улс хилээ хааж, зарим улсад зөвхөн ачаа тээврийн нислэгийг цөөн тоогоор үйлдэж байгаа юм. Үүнтэй холбогдуулан Дэлхийн агаарын тээврийн салбар энэ жил түүхэнд байгаагүй хамгийн их буюу 84 тэрбум долларыг алдангид орох төлөвтэй байгаа юм. 2021 онд үйл ажиллагаагаа нэмэгдүүлэн ажилласан ч энэ хямралыг нөхөх боломжгүй гэдгийг холбогдох албаныхан мэдээлж байна. Францын иргэний агаарын тээврийн компанийн хувьд цар тахлын улмаас нэг өдөрт 15 сая евро буюу 16,9 сая америк долларыг алдаж байгаа тухай тус компаниас өчигдөр мэдээллээ. Үүнээс гадна 2024 он хүртэл алдангаа нөхөх боломжгүй гэж үзэж байна. Францын зүгээс агаарын тээврээ дэмжихээр 17 тэрбум долларыг төсөвлөн, цар тахлын хүнд үед байгаа ч агаарын тээврийн салбартаа  Америк, Хятадын ард орохгүйг хичээн ажиллаж байгаа юм. Төсвийн бараг тал хувийг зөвхөн Францын иргэний агаарын тээврийн компанид зориулахаар төлөвлөгджээ. Цомхтголд орж байгаа 100 гаруй албан хаагчдын зүгээс гомдолтой байгаагаа илэрхийлэн өчигдөр жагсаал хийсэн байна