Үйл явдал

Хятадын хүчтэй аадар бороо үргэлжлэн орсноос Хятадын 27 мужийг хамарсан үер усны гамшиг нүүрлэсэн юм. Гамшигт үзэгдэлд Хятадын 38 сая иргэн өртөж, 140-өөд хүн амиа алдан, сураггүй алга болсонд тооцогдоод байна.

Хятадын гамшигт үзэгдэлтэй тэмцэх алба үе усны гамшгийн аюулыг 3-аас 2-р түвшин болгосон байна. Хятадад үер усны гамшгийн үед мөрдөгддөг 4 шатлал бүхий аюулын зэрэг байдгаас 1-р шат нь хамгийн хүндэд тооцогддог юм. Сүүлийн 7 хоногт Хятадад тасралтгүй үргэлжлэн орсон хүчтэй аадар борооны улмаас хэд хэдэн томоохон голын ус эргээсээ халин үерлэж, ойролцоох хот суурин газруудыг үерт автуулжээ.

Өнөөдрийн байдлаар Хятадын Цзянси, Аньхой, Хубэй, Хунань зэрэг мужид үерийн гамшиг нүүрлэсэн хэвээр байгаа юм. Гамшгийн бүсээс 2,2 сая хүнийг нүүлгэн шилжүүлээд байна. Түүнчлэн гамшигт үзэгдлийн улмаас Хятадын 1,2 сая иргэнд яаралтай тусламж шаардлагатай байгаа юм. Гамшгийн улмаас 28 мянган барилга байшин сүйдэж, 3,5 мянга га газар тариалангийн талбай усанд автаад байна.

Гамшигт үзэгдлийн улмаас Хятадын эдийн засагт 82,2 тэрбум юанийн хор хохирол учраад байна.