Үйл явдал

Франц Улсад дэлхийн хамгийн том цөмийн хайлш боловсруулах төхөөрөмжийг барих ажил явагдаж байна. Францын Ерөнхийлөгч Эммануэль Макрон энэхүү эрчим хүчний хөтөлбөрийг "энх тайвны амлалт" хэмээн тодотгожээ.

Төслийн хүрээнд цөмийн хайлш боловсруулах, гарсан энергийг ашиглах зориулалт бүхий туршилтын токамак төхөөрөмж барих ажил явагдаж байна. Цөмийн хайлш нь нар, оддын энергийг ялгаруулдаг цөмийн урвал. Аюулгүй, нүүрстөрөгч ялгаруулдаггүй, хүссэн хэмжээнд хүртэл эрчим хүчний эх үүсвэр бий болгодогоороо давуу талтай.

Нарны гадаргуу дээрх температур 6,000 цельс байдаг бол гол цөм хэсэгтээ 15 сая хэм хүрч байдаг. Харин энэхүү токамак төхөөрөмжийг ашигласнаар халууныг 150 сая цельс хүргэх боломжтой. Төхөөрөмж нь 23 мянган тонн жинтэй, плазмын хэмжээ 830 куб метр. Европын холбоо, Хятад, Энэтхэг, Япон, Солонгос, Орос, Их Британи, Америк гэх зэрэг хөгжингүй орнуудын нийлүүлсэн эд анги, хөрөнгө санхүүжилтээр барьж байгаа юм.