AFP/STR

Үйл явдал

Хятадын хойд хэсэгт 8 сарын 29 буюу Бямба гарагт нэгэн ресторан нуран унасны улмаас 29 хүн дарагдан нас барсан байна.

Шанзи мужийн Зиангфен хорооллын хоёр давхар барилгад байрлах ресторан 80 насны төрсөн өдрийн баяр тэмдэглэх үеэр Бямба гарагийн өглөө нуран унажээ.  Жузиан гэх рестораны нуранги доороос 57 хүнийг аврагчид гарган авч, хэдэн арван хүн гэмтэж бэртжээ. Нурангид дарагдсан хүмүүсийг гарган авах ажиллагааг Ням гарагийн өглөө дуусгажээ. Нуран унасан шалтгаан нь одоогоор тодорхойгүй, хотын захиргааны албанаас мөрдөн шалгаж эхэлсэн байна. 

Хятад Улсын хувьд барилга нуран унах тохиолдлууд байнга гарч байдаг, үүнд тус орны хурдацтай хөгжлийг буруутгадаг. Учир нь барилгачид нь аюулгүй ажиллагааг бүрэн хангаагүй,  хурдан хийх гэснээс үүдэлтэй гэж үздэг. 

Өнгөрөгч 3 сард мөн Хятадын өмнө хэсгийн хотод зочид буудал нуран унаж 29 хүн амиа алдан, 42 хүн бэртэж байсан. Шалтгааныг нь тодорхойлохдоо 4 давхар хүртэл стандартын бус гурван давхрыг хийж үүнийгээ нуун худал мэдээлэл өгч байсан гэж тогтоожээ.

Эх сурвалж AFP