Үйл явдал

Твиттерийн зүгээс КОВИД-19-ыг Вуханы лабораторид хүн бүтээсэн гэж мэдэгдсэн Хятадын нян судлаачийн хаягийг хаажээ.

Олон нийтийн эрүүл мэндийн Хонконгийн  их сургуулийн докторын дараахь зэргийн судлаач Ли-Менг-Яны твиттер аккаунтыг энэ долоо хоногийн эхээр хаасан байна.

Твиттерт 60 мянган дагагчтай Ян дээрх мэдээллийг энэ долоо хоногт хийж, Хятадын засгийн газар энэ вирусыг бий болгоход оролцсон гэжээ. Одоогийн байдлаар дэлхийн хэмжээнд энэ вирусны халдварын улмаас 936,156 хүн амиа алдаад байна. Тэрээр энэ мэдэгдлийг хийсний дараа Лос Анжелес рүү дүрвэж, одоо АНУ-д нуугдаж байгаа гэнэ. 

Твиттерийн зүгээс 5 сараас эхлэн КОВИД-19 сэдэвтэй холбоо бүхий маргаантай мэдээлэлд шошго тавих бодлого хэрэгжүүлэхээр болсноо танилцуулсан.  Харин доктор Яны жиргээнд шошго тавилгүй харин аккаунтыг нь хаажээ. 

 

Эх сурвалж: independent.co.uk