Үйл явдал

Өнөөдөр манай урд хөрш Хятад улсад намрын дунд баяр эхэлж байна. Дэлхийн хамгийн олон хүн амтай энэ улсад иргэд дотоодыг аялал хийдэг хамгийн хөд хөдөлгөөн ихтэй үе бол намрын баярын үе байдаг. Зарим хэвлэлүүдэд Хятадыг дэлхий даяар халдвар тарааж, улс орнуудад хүнд нөхцөл байдал үүсгэчихээд одоо өөрсдөө дотооддоо ямар  ч асуудалгүй хэвийн амьдарч байгаад шүүмжлэлтэй хандаж байгаа тухай мэдээлсэн байна.

Цар тахал дэгдсэнээс хойш Хятад улс анх удаа найм хоногийн хөд хорио онц байдалгүй баярын өдрийг амран өнгөрөөх гэж байна. Энэ баяраар иргэд бусад хотууд руу аялан эдийн засгаа сэргээн нэмэгдүүлнэ гэж таамаглаж байгаа. Азийн хөгжлийн банкнаас ч бас Хятадыг цар тахалтай холбоотойгоор эдийн засгийн уналтад орохгүй. Харин ч эсрэгээрээ эдийн засаг нь нэмэгдэнэ гэж таамаглаад байгаа.

Хятадын соёл, аялал жуулчлалыг яамнаас өнгөрсөн жил энэ баярын үеэр нийт 782 сая дотоод аялал хийгдсэн бөгөөд аялал жуулчлалын салбар 650 тэрбум юань буюу 95 тэрбум доллар орлоготой ажилласан байна. Цахим платформуудын захиалга, үзүүлэлтээс харахад энэ жил 550-600 гаруй сая дотоодын иргэд аялах төлөвтэй байгаа юм. Энэ нь өнгөрсөн жилийн аялалын 70 хувьтай тэнцэхээр байна.

Хятад улсад одоогийн байдлаар дотоодоос бүртгэгдсэн идэвхтэй халдварын тохиолдол байхгүй. Иргэд ч аялаж зугаалан бусад хот руу явахад санаа зовохгүй байгаагаа хэлжээ. Ямартай ч энэ өдөр Хятад улс даяар иргэд найм хоног амрах нь юм.