Үйл явдал

Вьетнам улсын засгийн газраас алслагдмал тосгоны хүүхдүүдийг үнэгүй тээврийн хэрэгслээр явуулдаг болох гэж байна. Хүүхдүүд хэт холоос сургуульдаа явж, зам тээвэрт тодорхой хэмжээний зардал гаргаж байгаа нь тэдний сурах идэвх хүслийг бууруулж байгаа гэж тодорхойлсноор ийм шийдвэр гаргажээ.

Жишээлбэл Лан Донг мужийн Ма Да тосгон ойгоор хүрээлэгдсэн тээврийн хөгжил сайнгүй газруудан нэг. Энэ тосгоны иргэдийн 30 хувь буюу мянга гаруй иргэн нь сургуулийн боловсрол эзэмшиж байгаа хүүхдүүд байна. Үүнээс гадна Ма Да тосгонд Камбожоос нүүж ирсэн 100 гаруй хүн оршин суудаг.Хүүхдүүд өдөрт бараг 30 км алхаж байж сургуульдаа хүрдэг. Энэний хор уршигаар маш олон хүүхэд сурахаа больсон ч тохиолдол байгаа юм.

Сурагчдын эцэг эхчүүд өглөөнөөс орой болтол загачлах ажил хийж амьдралаа авч явдаг. Үүний зэрэгцээ хүүхдүүд дөрвөн цагт босоод хичээлдээ алхах нь хүүхдүүдэд тулгамдаж байсан том асуудал юм. Харин одоо Засгийн газраас явуулж байгаа үнэгүй тээврийн хэрэгсэл нь тэднийг сурахад илүү түлхэц, урам өгч байна.