Үйл явдал

 Өчигдөр Исланд улсын ерөнхий сайд Катрин Якобсдоттир цахимаар ярилцлага хийж байх үед нь газар хөдлөсөн байна. Тэрбээр Вашингтон Постын сэтгүүлчтэй цар тахлыг тухай ярилцлага хийж байжээ. Ямартай ч газар хөдлөлтийг үл ажран асуултандаа хариулан, ярилцлагаа хэвийн явуулсан байна.

Тэрбээр цар тахлын тухай нарийвчлан ярилцаж байхад нь гэнэт гэрийнх нь эд зүйлс чичирч эхэлжээ. Тэрбээр

“бурхан минь газар хөдлөөд байна”

гэж бага зэрэг сандарсан ч, ердөө хэдхэн секундын дараа инээмсэглэн,

“За зүгээрдээ. Энэ бол Исланд. Санаа зоволтгүй ээ, байшин маань зүгээр, би ч зүгээр”

гэжээ. 44 настай Катрин Якобсдоттир 2017 оноос улсынхаа  ерөнхий сайдын албыг хашиж байгаа. Тэрбээр дэлхийн залуу удирдагчдын төлөөллийн нэг. Өчигдөр буюу мягмар гарагт 5.6 баллын хүчтэй газар хөдлөлт Рейкьявик хотын ойролцоох далайн эргийн хот Хафнарфь-ордураас баруун урагш 10 километрийн зайд болсон тухай АНУ-ын Геологийн албанаас мэдээлжээ.