Үйл явдал

Францын Нийс хотод бүсийн цагаар өчигдөр өглөө гурван хүн зэвсэгтэй этгээдийн халдлагад өртсөн байна. Лондон хотын нэгэн багш хичээлийнхээ үеэр Исламын ариун номлогч Мухаммедийн шог зургийг үзүүлсний дараа 18 настай ислам шашинтай хүү зэрлэгээр амь насыг нь хороосон юм. Үүнтэй холбоотойгоор Францын ерөнхийлөгч Эммануэль Макрон исламын радикал үзэлтэй тэмцэх хууль боловсруулах ажлыг эхлүүлсэнд дэлхийн маш олон исламын орнууд эсэргүүцэлтэй хандаж байгаа юм.

Сүүлийн өдрүүдэд Туркийн ерөнхийлөгч Эрдоган болон Францын ерөнхийлөгч Макроны дунд энэ асуудалтай холбоотой олон маргаан дэгдэж, зарим улс оронд Макроныг эсэргүүцэх жагсаал өрнөж байгаа. Өчигдөр болсон хэрэг нь сүмийн ойр орчимд болсон. Баттай бус эх сурвалжийн харснаар нэг эмэгтэйг сүмийн дотор хутгалж амь насыг нь хороосон. Харин бусдад нь сүмийн гадна талд халджээ. Францын дотоод хэргийн сайд Герард Басиликагийн мэдээлснээр хэрэгтнийг хэргийн газар дээр буудаж, барьсанаас гадна, тэрбээр энэ үйл явдалыг террорист халдлага гэж хүлээн зөвшөөрчээ. Халдлага үйлдсэн этгээд нь 21 настай Тунисын иргэн байсныг тогтоосон байна. Тэрбээр есдүгээр сард Тунисаас Италийн Лампедуса аралд завиар дүрвэж очсоны дараа энэ сарын эхээр Францад ирсэн гэдэг нь тогтоогджээ. Өмнө болсон багшийн амь насыг хороосон хэрэгтэй нэлээд төстэй. Амиа алдсан 60 орчим насны эмэгтэйн толгойг бараг тасдсан байсан бол, өөр нэгэн хохирогчийн хүзүүг огтолсон байжээ. Халдлага үйлдэж байхдаа тасралтгүй “Аллах Акбар” гэж хашгирч байсан байна. Францад цар тахалтай холбоотойгоор хөл хорио тогтоосон байгаа. Тиймээс иргэдийг дүрэс журмаа даган, гадуур гарахгүй байхыг уриалж байна. Үүнээс гадна хэргийн газар биечлэн очсон Францын ерөнхийлөгч Эммануэль Макрон террористуудын эсрэг хатуу тэмцэнэ гэдгээ мэдэгджээ.